WAWAKILISHI wa Wadi (MCAs) na maspika wa mabunge kutoka kaunti zote 47 wamemtaka Rais William Ruto pamoja na wabunge kuingilia kati na kufanya juhudi za makusudi kuzuia mabunge ya kaunti yasiporomoke kufuatia kupunguzwa kwa bajeti kunakotishia kusambaratisha shughuli zao.
MCAs na maspika wa mabunge ya kaunti waliokutana Nairobi jana wakati wa mkutano mkuu maalumu walionya kuwa kupunguzwa kwa bajeti kwa Sh4 bilioni hivi majuzi kutokana na sheria ya kaunti ya Ugavi wa Mapato (CARA) kutasababisha kaunti kufungwa.
“Kupunguzwa kwa bajeti kwa ghafla katikati ya mwaka kutavuruga shughuli za kisheria na kuzorotesha maendeleo katika kaunti. Kupunguzwa kwa bajeti kwa ghafla katikati ya mwaka kutavuruga mipango inayoendelea, michakato ya kisheria na juhudi muhimu za ushiriki wa umma.
CAF inatoa wito kwa seneti kuanzisha marekebisho ya CARA kwa kushauriana ili kubatilisha kupunguzwa kwa bajeti kwa Sh4 bilioni,” Bi Ann Kiusya, Mwenyekiti wa Baraza la Mabunge ya Kaunti alisema.
CARA ilitiwa saini kuwa sheria na Rais William Ruto mnamo Desemba 2024. Sheria hiyo inapunguza bajeti za mabunge ya kaunti kwa Sh4 bilioni huku serikali za kaunti zikipokea nyongeza ya Sh7 bilioni.
Hii ni licha ya ongezeko la Sh2 bilioni zilizotengewa kaunti kupitia fomula ya ugavi wa mapato. Kupunguzwa kwa bajeti kufuatia kuporomoka kwa Mswada wa Sheria ya Fedha wa 2024.
Baadhi ya kaunti zilizo na upungufu mkubwa wa bajeti ni pamoja na Nairobi (Sh327.4 milioni), Kiambu (Sh229 milioni), Wajir (Sh208 milioni) na Turkana (Sh196 milioni).CAF inahoji kuwa ukweli kwamba sio haki kupunguzwa kwa bajeti ya mabunge ya kaunti.
“Mabunge ya kaunti yanafanya kazi kwa chini ya asilimia 10 ya jumla ya mapato ya kaunti lakini yanaathiriwa na asilimia 30 ya kupunguzwa kwa bajeti,” aliongeza.Katika mkutano huo, viongozi hao pia walisisitiza uhuru wa kifedha wa mabunge ya kaunti kama njia ya kukuza usimamizi.Mabaraza ya kaunti yanategemea serikali za kaunti kuidhinisha matumizi yao.
Seneta wa Nairobi Edwin Sifuna ambaye alikuwa Mgeni Mkuu katika hafla hiyo alisema Mswada wa Sheria za Fedha za Umma (Marekebisho) wa Kaunti, 2023 tayari uko katika hatua za mwisho na utawapa wawakilishi uhuru wa kujiamulia.
“Mswada huo uko katika hatua za mwisho na kwa sasa uko mbele ya Bunge. Tunaomba mswada huo uharakishwe ili wawakilishi wadi waweze kutuma maombi kwa Mdhibiti wa Bajeti badala ya kuhudumu kwa huruma ya magavana wa kaunti,” Bw Sifuna alisema.
Madiwani pia walitoa wito kwa Tume ya Mishahara na Marupurupu (SRC) kurejesha marupurupu ya vikao vya bunge zima“Wengi wa madiwani hawawezi kuhudhuria vikao vya bunge kwa sababu hawana mafuta.
Hawawezi kuzunguka wadini kwa vile wananchi wanawategemea kwa ustawi wao. Tunaomba mishahara yao iangaliwe upya na kuboreshwa,” alisema Bi Hanifa Mwajirani, MCA kutoka Kaunti ya Kwale.Pia wametaka Hazina ya Maendeleo ya Wadi (WDF) ikitwe kwenye katiba ili kuhakikisha wawakilishi wa wadi wanafanya maendeleo katika wadi zao.
Leave a Reply